Huwag ngang Tanga!!!

I should've posted this last night. But thanks to YBB user, he has already managed to make his network secured!!! Soooo selfish! Waaaaa! In short, I won't be online as often as before. I guess I'd have to go down to either room 306 or 206 to go online

Important: Bawal maniwala, ang maniwala... TANGA!

Huwag ngang Tanga

kasabay nang pagmulat ng aking mga mata
ay ang pagnanais na ikaw ang mamalas
maramdamang sa halip na ang manipis na kumot
ang init mo ang siyang sana sa akin ay bumalot.

pangarap lang.

binibilang ang bawat oras na lumilipas
umaasang sa ika-apat ay may matanggap mula sayo
ika-lima, ika-anim, wala, ika-pito,
tulad ng dati ay nananatiling bigo.

hayaan lang.

kung paanong binibilang ang oras
ay gayon din ang pagbilang sa mga araw
mga araw na nalalabi pa
hanggang sa tayong dalawa'y muling magkita.

sabik lang.

wala na nga bang maaaring magbago
patuloy lamang at matiyagang aasa
na sa mga panahong nananatili dito
kahit minsan ay maalaala mo ako?

parati na lang.

hindi ko alam kung paano ang umiwas
kung paanong alisin ka sa aking isipan
marahil ay tanga nga akong matatawag
para hayaang sa'yo ang sarili'y tuluyang mahulog.

tama na. sayang lang.

kung ang naidudulot sa akin nito ay mga ngiti,
sapagkat nanabik sa bagong araw na darating.
mga imahinasyong walang panahong hindi magkasama
at magkaagapay sa lahat ng oras at sandali.

sayang nga ba?

kung nung una'y nalamang kong may pagtingin din
ngunit di lamang tama ang pagkakataon
tama bang umasa, na sa biglang ihip ng hangin
sa gawi ko ay muli kang mapatingin?

malabo...
posible pero imposible...
gusto mo siya, gusto ka niya...
pero di ka niya mahal...
kaya ikaw...
ikaw kamo ... huwag ka ngang tanga!